LAOAG CITY – Inrakurak ti Palasyo ti Malakanyang a manamnama a bumaba ti presio ti bagas ken karne ti baboy ita a bulan ti Marso.
Inbatad ni Palace Press Officer USec. Claire Castro a posible a bumaba iti 45 a pisos iti kada kilo ti presio ti bagas inton Marso 31.
Malaksid iti bagas, manamnama a bumaba pay ti presio ti karne ti baboy mangrugi inton Marso 10.
Kuna ni Castro, posible a bumaba met iti P350 agingga iti P360 iti kada kilo ti presio ti kasim ken pigi idinto ti liempo ket mabalin a bumaba iti P380 iti kada kilo.
Inlawlawag ni Department of Agriculture Secretary Francisco Tiu Laurel, maysa kadagiti rason ti manamnama a panagbaba ti presio ti bagas ket ti agtultuloy a panagbaba ti presio daytoy iti world market.
