LAOAG CITY – Bimmaba ti presio ti kamatis agingga iti P80 iti kada kilo manipud iti P200 iti kada kilo iti napalabas a bulan.
Gapu iti daytoy, sumagmamano a mannalon idiay Nueva Vizcaya ti naipadamag nga ibelbellengda laengen ti kamatis.
Inbatad ni Department of Agriculture (DA) Assistant Secretary Arnel de Mesa a manarimaanen ti pannakikoordinarda kadagit Regional Field Offices iti Cordillera Administrative Region ken Cagayan Valley tapno mangisayangkat ti imbestigasion maipanggep iti naipadamag a surplus.
Basar iti kaudian a monitoring ti Department of Agriculture a dumanon iti P200 iti kada kilo iti napalabas a bulan ngem dumanon laengen ti presio ti kamatis iti P80 agingga iti P120 iti kada kilo iti agdama.
Kabayatanna, naammoan a tapno maliklikan ti dakkel a surplus iti vegetable harvest, kitkitaen ti Department of Agriculture dagiti sumagmamano a lugar kas lokasion ti agricultural infrastructures.
