LAOAG CITY – Ngimmato iti sumurok $100 iti kada bariles ti presio ti langis, kangatoan iti agarup uppat a tawen gapu iti kumarkaro a gubat idiay Middle East.
Ngimmato ti 15% ti West Texas Intermediate (WTI) ken Brent iti panaglukat ti merkado.
Nagsardeng ti maritime traffic iti Strait of Hormuz a dumaldalan iti 20% ti global crude ken gas.
Bimmaba met ti output dagiti producer iti Gulf idinto a tinarget ti Israel ti fuel depots iti Tehran a nangitunda ti panagbuteng iti posible a panangatake iti imprastruktura dagiti kaparanget a pagilian.
Gapu iti daytoy, ngimmato ti presio iti pump idiay Estados Unidos, maysa a sensitibo nga isyu sakbay ti midterm elections.
