LAOAG CITY – Nangrugin a nangipangato ti presio dagiti kompania ti Liquefied Petroleum Gas (LPG).
Epektibo itay 12:01 ti bigat ita nga umuna nga aldaw ti bulan ti Hulio ket nangipatungpal ti P0.55 iti kada kilo ti LPG wenno katukad ti P6.05 iti kada 11 kgs. a tangke ti LPG.
Maitudtudo a rason iti panagngina ti presio ket gapu iti contract prices dagiti LPG ita a bulan ti Hulio.
Maipalagip nga idi Hunio ket bimmaba ti presio ti LPG ti P6.20 iti kada 11 kgs. a tangke.
