LAOAG CITY – Inpasigurado ti Department of Agriculture (DA) a bumaba ita a lawas ti presio dagiti sumagmamano a nateng ken kamatis kadagiti merkado publiko.
Kagiddan daytoy ti panagngato ti presio dagiti sumagmamano a nateng iti tiendaan ken ti kamatis nga agay-ayam iti P140-P220 iti kada kilo.
Ngimmato met ti presio ti carrots a dumanon iti P100-P180, tarong a dumanon iti P120 iti kada kilo ken bell pepper iti P200-P350.
Segun ken ni Department of Agriculture Spokesperson Arnel de Mesa, ti panagngato ti presio dagiti nateng ket gubuay ti na-delay a panagapit kadagiti sumagmamano a kataltalonan gapu iti El Niño ken epekto ti Bagyo Aghon.
Nangdegdeg pay daytoy ti ngumatngato a presio dagiti produkto a petrolio a mangnaynayon iti transportation cost dagiti mannalon.
Iti baet daytoy, inbatad ni De Mesa a mangrugi metten ti panagapit iti Southern Tagalog Region a manamnama nga isu ti mangguyod iti panagbaba ti presio ti nateng iti masungad nga aldaw.
Inpasingkedna pay a saan nga agbayag ti panagngato ti presio dagiti nateng gapu ta bumaba daytoy apaman nga umadu ti suplay.
