LAOAG CITY – Inrakurak ni House Speaker Ferdinand Martin Romualdez a nasken a matutukan pay ti presio dagiti nagduduma a klase ti nateng.
Daytoy ket kalpasan ti pannakailungalong ti presio ti bagas ditoy pagilian.
Inbatad ni Romualdez a daytoy ket tapno maipasigurado ti nalaka a presio daytoy kagiddan ti panangipasigurado a saan a malugi dagiti mannalon.
Basar iti datos ti Philippine Statistics Authority (PSA) ket ngumato-bumaba ti presio ti nateng ditoy pagilian.
Idi Pebrero 2025, ti average retail price ti kamatis ket bimmaba iti P109.94 iti kada kilo manipud iti P158.67 a nairekord idi Enero.
Ngimmato met ti presio ti nalabbaga a sibuyas nga adda iti P162.69 iti kada kilo manipud iti P153.70 ken ti kalamansi nga adda iti P86.63 iti kada kilo manipud iti P81.61.
Naammoan a karaman kadagiti rason iti nangato a presio ti nateng, kuna ni Romualdez ti kinakurang ti agricultural infrastructure, farm-to-market transport ken dagiti post-harvest facility.
