LAOAG CITY – Inlawlawag ni Mrs. Richelle Marie Cid, maysa nga aglaklako kadagiti sabsabong nga iti ciudad ti Laoag nga adun dagiti tattao nga aggatgatang ken agpaparesrba iti sabsabong para iti umay nga Undas.
Segun ken ni Cid, adda met dagiti special flowers kas iti orchids ken stargazer no sadinno a dagitoy ti kanginaan a sabsabong.
Bayat a dagiti kalakaan ket dagiti rados.
Impakaammo na a ti maysa a basket ti sabsabong ket agbalor ti 700 ngem nu adda special flowers na ket nanginngina, bayat a ti kalakaan ket agbalor ti 200.
Innayona a dagiti sabsabong nga ususaren da ket ang-angakaten da manipod Baguio City ken Manila.
Manamnama nga inton bigat ket ngumina pay ti presio dagiti sabong.
Kabaytanna, inlawlawag met ni Mrs. Delia Paulino, aglaklako ti native delicacies ken nagduduma nga atang iti ciudad ti Laoag nga ado dagiti agsapsapolen ti kankanen gapu iti pinagsag-sagana da iti umay a Undas.
Ti patupat ken baduya ket 5 pesos kada piraso, linapet 25 ti maysa reppet , 10 ti maysa piraso a busi, 20 a pisos ti pilais, leng-nga P25 ken 25 a pisos met ti nakapakete a gawed, buwa ken tabako, bayat a ti maysa a set ti atang ket magatang iti gatad a 200 a pisos.
Kamaudiananna, innayon na nga adda posibilidad na a ngumato ti presio dagiti maiyatang bayat ti kaaldawan ti Undas.
