LAOAG CITY – Awan ti panagngato ti presyo dagiti karne iti Laoag City Commerical Complex
Daytoy ti inpakaammo ni Laoag City Commercial Complex Market Supt. Sheila de Leon.
Segun ken ni de Leon, awan iti panagngina ti presyo dagiti karne inton bigat bulan ti Disyembre.
Kuna na nga agtalinaed iti presyo ti karne ti baboy nga 230 a pisos agingga iti 240 a pisos iti kada kilo ken ti karne ti baka nga 270 a pisos agingga iti 280 a pisos iti kada kilo.
Segun pay ken ni de Leon, adda ti masursurot nga prevailing price iti tiyendaan.
Nupay kasta, inlawlawag na a ngumina ti presyo ti karne no agala da iti livestock iti sabali a lugar nangruna no awan ti maala a dingwen ditoy probinsiya.
Ginutigot na dagiti makitiyen-tiyenda a no adda ti nagipangato ti presyo ti karne ket ipadanun da iti opisina na.
