Iti panagturong ti News Team ti Bombo Radyo Laoag iti maysa a flowershop ditoy siudad, nasapa da a naglukat ita a kaaldawan ti Valentine’s Day.
Kuna ni Ms. Jaja Siazon, ngimmina ti presyo dagiti presko a sabsabong gapu iti suplay dagiti sabsabong.
Inbatad na a kaaduan kadagiti lako da a sabsabong ket naggapu iti Metro Manila idinto a bassit laeng ti naggapu iti siudad ti Bagyo.
Inpakaammo ni Siazon nga umabot iti 300 a pisos ti presyo ti rosas manipud iti dati a 200 a pisos idinto ti kanginaan ken 2,300 a pisosa nakabouquet.
Innayon na aglako da met ti dried flowers wenno dagiti artipisyal a sabsabong tapno malakaan dagiti aggatang.
Inadmitir ni Siazon adda da dagiti aggatang ti sabsabong ita nga aldaw kangrunaan kadagiti agkalikagum a makaipaay ti regalo ken ragsak iti maysa nga ipatpateg iti biag, naiget wenno saan dagiti restriksiyon iti baet ti pandemiya.
Inpalgak na a gapu pay ti pandemiya ket nagaramid da ti facebook page tapno aglako da iti online.
