LAOAG CITY – Kinumpirmaran ni Mr. Domingo Garcia, ti market supervisor iti Batac Public Market a ngimmato ti agarup 20 a pisos ti presyo iti kada kilo ti karne ti baboy.
Gapu iti daytoy, kuna na a ti dati a 240 a pisos ket nagbalinen a 260 a pisos iti kada kilo.
Immuna iti daytoy, inlawlawagna nga adda ti nagbalin a petisyon dagiti meat vendors ken ni Mayor Albert Chua tapno mapagbalin a 300 a pisos iti kada kilo ti karne ti baboy.
Nu pay kasta, inbatad na a basar iti palawag ti mayor ket adda dagiti sumagmamano a meat vendors ti aglako iti lasag ti baboy a nabulunan ti tulang rason nga agingga laeng iti 260 a pisos ti presyo.
Kabayatanna, kuna ni Garcia nga iti agdama ket agay-ayam iti 170-180 a pisos ti live weight ti baboy.
Innayun na nga agarup 50% a suplay ti maparparti a baboy ket aggapo kadagiti hog raisers iti siudad ti Batac ken sumagmamano dagiti aggapo iti sabali nga ili.
