LAOAG CITY – Inpasingked ni Mr. Totsie Ilaga, market master iti merkado publiko iti ili ti San Nicolas a saan a ngimmato ti presyo ti karne ti baboy iti nadakamat nga ili.
Segun kenni Ilaga, adda ti naiyuswat a taripnong iti napalabas a lawas ken ditoy a kwinenta da no maparuar pay laeng dagiti aglalako ti puunan da no ngumato ti live weight manipud iti 130 a pisos ken agbalin 135 a pisos ken agtalinaed ti presyo ti karne a 230 a pisos iti kada kilo.
Inbatad na a ngumato pay ti 230 a pisos iti kada kilo ti karne ti baboy ket isuda ti kangatoan ti presyo ti nasao a produkto.
Malaksid iti daytoy, kunana a saan da a kayat nga agsuffer dagiti konsumer iti nasao nga ili rason a nagtalined ti presyo a 230 a pisos iti kada kilo.
Kunana a ti problema da iti agdama ket no kasano ti pannaka-iruar dagiti live weight manipud ditoy Ilocos Norte ken mapan iti sabali a probinsya.
Mainaig iti daytoy, kunana a sakbay ti surat ti Provincial Veterinary Office a mangkidkiddaw kenni Gov. Matthew Marcos Manotoc seknan iti pannaka-regulate ti baboy a rumwar ditoy probinsya ket kiniddawen daytoy ti lokal a gobierno ti San Nicolas.
