LAOAG CITY – Inlawlawag ni Engr. Eleonor Andres, Manager ti National Food Authority (NFA) ditoy probinsya a no summer crop ket adda ti panagngato ti presyo ti irik isut gapuna a saan a maliklikan a ngumina met ti presyo ti bagas.
Inbatad ni Andres a normal daytoyen a mapaspasamak, ngem gapu iti panangideklara ni Presidente Rodrigo Duterte a masapol a maipatungpal ti price freeze kadagiti kangrunaan a magatgatang ket saan koma pay laeng nga agipangato ti presyo dagiti suppliers ti bagas.
Inadmitir na nga iti agtultuloy a panagmonmonitor da kadagiti nagduduma a pagtagilakoan ditoy probinsya ket adda dagiti namonitor da a nagipangato ti presyo ti commercial rice ngem ti NFA rice ket bimmaba ti presyo na.
Kabayatanna, kuna ni Andres nga awan ti bileg na a mangregulate ti presyo ti bagas gapu iti Rice Liberalization Law.
Rakurak daytoy ni Andres kalpasan nga inrakurak ti Department of Trade and Industry (DTI) nga adda ti im-imbestigaren da a 10 a negosyante gapu iti panagipangato da ti presyo dagiti lako da a bagas iti baet a naipatungpal ti price freeze kadagiti kangrunaan a magatgatang kabayatan ti pannakaipatungpal ti Enhanced Community Quarantine gapu iti covid-19.
