LAOAG CITY – Manamnama a maipangato ti presyo ti commercial rice ditoy ciudad ti Laoag.
Daytoy ket kalpasan a naibusen ti stock nga NFA rice iti ciudad ti Laoag.
Immuna ti daytoy, kinumpirmaran ni Joan Naqnaq, maysa nga aglaklako ti bagas iti Laoag City Commercial Complex, nga adda pay laeng ti stock na nga NFA rice ngem agpaot laengen daytoy iti lima nga aldaw.
Inlawlawag na nga adda pay laeng ti magatang wenno stock nga NFA rice iti ili ti Dingras ngem ad-ado ti magastos da no isu ti papanda pagangkatan.
Innayon na a manamnama nga ipangato da ti nasurok a 2 a pisos ti presyo dagiti lako da a commercial rice gapu ta adda ti sursuruten da a pagalagadan iti commercial complex a masapol nga agpapada da ti presyo kadagiti ilako da a bagas.
