LAOAG CITY – Inbatad ti Department of Agriculture Possible a ngumato iti 15 agingga iti 30% ti presyo ti ikan iti kangitingitan ti semana santa.
Segun iti ahensiya, ti panagngato ti retail price dagiti ikan ket kagiddan ti manamnama a panagbaba ti demand iti nagduduma a karne kas paset iti panangngilin ti nangina nga aldaw.
Basar iti projection ti Department of Agriculture, umdas ti supply dagiti ikan iti merkado publiko tapno maipaay ti possible a panagngato ti demand a manamnama a magrugi iti sumaruno a lawas, Abril 14 ita a tawen.
Karaman kadagiti ikan nga addaan ti nangato a supply iti agdama ket ti galunggong, bangus, tilapia, Indian mackerel, sardinas ken yelowfin tuna.
Naamoan nga urag dagiti dadduma a fishery products kas ti pusit, pasayan, shellfish ken dadduma pay ket nagtalinaed nga addaan ti nangato a volume.
Inpasigurado met ti ahensya a bantayan da ti supply ken presyo dagiti fishery products iti intero a semana santa.
