LAOAG CITY – Napintas ti apit ita a second crop kangrunaan na ti presyo ti irik ditoy probinsya.
Daytoy ti inbatad ni Mr. Ricarte Corpuz, mannalon ken rice trader iti Brgy. Madiladig ditoy ciudad ti Laoag.
Inlawlawag ni Corpuz a no nabasa ti irik ket magatang ti kada kilo iti P18.50 agingga iti P18.70 idinto a no napintas ti pannakabilag na ket P22.00
Maragsakan ni Corpuz gapu ta dakkel ti nagngatoan ti presyo ti irik ita a second crop no ikompara idi main crop.
Innayon na nga uray nangina ti abono ket inabrot na ti kinangina ti presyo ti irik iti agdama.
Gapu iti daytoy, inpalgak ni Corpuz a naragsak da amin a mannalon iti agdama.
