LAOAG CITY – Inbatad ni Miss Angie Ansagay, ti Chenbaro Association Presidente ken maysa a meat vendor iti Laoag City Public Market and Commercial Complex nga umaboten iti 280 a pisos iti kada maysa kilo a karne ti baboy.
Segun kenni Ansagay, saan a magawidan ti panagngato ti presyo ti karne ti baboy gapu ta umaboten ti 170 agingga iti 175 a pisos iti kada kilo a live weight ken no dadduma ket umabot pay iti 180 a pisos.
Inlawlawag ni Ansagay nga iti agdama ket awanen ti maala da a baboy iti uneg ti ciudad ken dagiti maparparti ket aggapo kadagiti nagduduma nga ili ditoy probinsya.
Inlawlawag na a dagiti dati a barangay nga isu ti main producers ti baboy ditoy siudad ket naapektaran ti African Swine Fever (ASF) virus kas iti Brgy. Navotas, Lagui-Sail, ken dadduma pay.
