LAOAG CITY – Inlawlawag ti Pork Producers Federation of the Philippines Inc. (PPFP) a ngimmato ti presyo ti karne ti baboy kadagiti merkado gapu iti panagngato ti farm inputs ken production costs.
Basar iti presidente ti grupo a ni Rolando Tambago, ti farm-gate price ti karne ti baboy ket ngimmato iti average a P210 ti kada kilo gapu iti panagngato ti presyo iti farm inputs.
Inrakurak pay ni Tambago a ti P120 a gap iti nagbaetan ti farm-gate ken retai price ti baboy iti merkado ket gapu iti balor ti transportasyon wenno logistics.
Gapu iti daytoy, inpetteng na a masapol nga agbiruk ti wagas ti gobierno tapno mapunuan ti pagkurkurangan iti nagbaetan ti farms ken retailers.
Inkalintegan ti grupo nga awan ti manipulasyon iti presyo ti baboy iti pagilian.
