LAOAG CITY – Apagapaman a bimmaba ti presyo ti kuryente ditoy probinsya.
Daytoy ti inbatad ni Mr. Noel Andres, ti pannakangiwat ti Ilocos Norte Electric Cooperative (INEC).
Inlawlawag na a bassit laeng ti nagbabaan ti presyo ti kuryente ditoy probinsya ngem dakkel a pagyamanan dagiti member-consumers gapu ta saan a ngimmina.
Innayon na a nupay adda ti panagngato ti generation charge manipod iti inangkat a suplay ti ket ginuyud met nga inpababa ti singsingiren a transmission charge ti National Grid Corporation of the Philippines (NGCP).
Mainaig iti daytoy, inadmitir ni Andres nga adda ti panagdanag da iti suplay ti kuryente kangrunaan na ket agtultuloy ti panagngato ti presyo ti gasolina.
Kabayatanna, inpakaammo ni Andres nga awan ti poste ti kuryente a natumba iti iduduprak ti bagyo Maring ditoy probinsya.
Inlawlawag na a ti laeng nagpukawan ti suplay ti kuryente iti kadakkelan a paset ti probinsya kabayatan ti bagyo ket gapu kadagiti napugpugsat a waya kalpasan a natupakan dagiti naspak a sanga dagiti kayo.
