LAOAG CITY – Namnamaen ti panagngato ti presyo ti Liquefied petroleum gas iti P10 agingga iti P25 ti kada kilo intono Oktubre gapu iti pannakaipangato ti international contract prices ken shipping costs.
Inbatad ni Liquefied petroleum gas Marketers Association president Arnel Ty a ti final adjustment ket nakadepende iti global price movements intono katapusan ti setyembre ita a tawen.
Segun ken ni Ty, ngimmato ti international LPG contract prices iti $70 iti kada metriko tonelada, kaibatugan daytoy ti P4 iti kada kilo iti lokal.
Maamoan ti pinal a presyo ti Liquefied petroleum gas iti katapusan ti Setyembre ken agepekto daytoy intono Oktubre 1 ita a tawen.
