LAOAG CITY – Kinumpirmaran ni Engr. Ma Teresa Bacnat, ti mangidadaulo ti Provincial Agriculture Office a dakkel ti nagngatoan ti sumagmamano a nateng ditoy probinsya ita a bulan no ikumpara iti napalabas a bulan ti Nobyembre.
Segun kenni Bacnat, basar kadagiti market price monitoring kadagiti nateng, idi kalman ket umabot iti 150 a pisos ti presyo ti kada kilo ti sitaw, 120 a pisos tii tarong, 100 a pisos iti parya.
Inbatad na nga iti met kamatis ket adda ti nagbabaan na wenno umabot ti 70 a pisos iti kada kilo gapo ta umad-ado metten ti suplay iti daytoy.
Kunana a karaman kadagiti rason iti daytoy ket ti pannakaapektar ti mula dagiti mannalon iti napalabas a bagyo rason a nagdoble dagitoy a nagmula no sadinno ita ket bassit pay laeng ti suplay.
Malaksid iti daytoy, kunana a nangina pay ti cost of inputs wenno mausar ti panagtalon.
Mainaig iti daytoy, inlawlawag na nga awan pay ti apit ti sibuyas ditoy probinsya rason a dagiti mailaklako iti merkado ket aggapo iti Pangasinan wenno Nueva Ecija rason a nangina nga umabot iti nasurok 400 a pisos iti kada kilo.
Kabayatanna, inbatad ni Bacnat a tulungan met ti gobierno probinsyal dagiti mannalonkas iti panangited ti libre nga abono, water pump ken dadduma pay a masapol a pagtalon.
