LAOAG CITY – Inpakaammo ni Mrs. Helena Miguel, maysa a vegetable vendor iti Laoag City Public Market and Commercial Complex a bimmasit ti suplay ti nalabbaga a sibuyas.
Inbatad na a gapu iti daytoy ket ngimmato ti presyo ken umabot iti 200 a pisos iti kada kilo ti panaglako da.
Segun ken ni Miguel, sumagmamano a rason iti panagngato ti presyo ti nalabbaga a sibuyas ket ti bassit nga importasyon iti nasao a produkto ken ti epekto ti bagyo karding.
Kabayatanna, inpakaammo ni Miguel nga awan ti mailako a puraw a sibuyas gapu ta nangatoti presyo iti panagangkat da ken umabot iti 500 a pisos iti kada kilo.
Innayun na a malaksid iti nalabbaga a sibuyas ket adda pay ti dadduma nga agricultural products ti agkurkurang kas iti carrots, patatas, beans ken dadduma pay.
Naamoan a kaaduan kadagiti lako a nalabbaga a sibuyas iti tiendaan ket aggapi iti Urdaneta, Pangasinan ken Nueva Ecija.
