LAOAG CITY – Ngimminan ti presyo ti bunga a papaya iti isla ti Hawaii bayat ti agtultuloy a panagalburoto ti Kiluea Volcano iti Big Island iti nasao nga isla.
Daytoy ti imbatad ni Bombo International Correspondent Manny Pascua.
Segun kenkuana, no idi ket magatang ti nasao a prudokto iti dwa a dolyar iti kada lima a bukel, itan ket magatangen ti maysa a dolyar ti tunggal maysa.
Kuna na a paneknekan daytoy ni Mr. Jerry Julian tubo ti Bgy. Bugasi iti ili Banna ngem addan agarup 30 a tawen nga agin-indeg iti nasao nga isla nga agmulmula ti papaya.
Malaksid ken ni Julian uray ti kasinsin na a ni Elizabeth ket nadadael ti mulmulaanda ti papaya a no sadinno nga isuna ket 8 nga acres ken ni kasinsin ket 40 acres.
Kuna ni Julian a ti panangbisita da ti minulaan da ti papaya iti LowerPuna ket nakita da nauram dagiti bunga ken bulong na gapu iti sulfur dioxide ket bti kangato ti timmnagken a lava iti agarup 40 a kadapan.
Kiddawendanto iti gobyerno ta mapatad ti nagaburan ken bimmantay a timmangkenen a lava iti nagmulaanda ti papaya.
