LAOAG CITY – Ngimmina ti shabu ditoy ciudad ti Laoag no ikompara kadagiti dadduma nga ili iti Ilocos Norte.
Daytoy ti kinumpirmaran ni Police Supt. Edwin Balles, chief of police ditoy ciudad ti Laoag.
Segun kenni Balles, umab-abot ti 10 a ribo a pisos ti kada gramo ti balor iti illegal a droga ditoy ciudad ti Laoag.
Inlawlawag na a mabalin a resulta daytoy ti kinabassiten ti suplay a shabu ti nasao a ciudad gapu ta marigatan dagiti drug pushers nga agipuslit.
