LAOAG CITY – Kinumpirmaran ni Police Supt. Jay de Guzman, deputy provincial director for administration iti Ilocos Norte Police Provincial Office (INPPO) a bimmaba ti suplay nga illegal a droga ditoy probinsya.
Gapu ti daytoy, inbatad na a ngimmina ti presyo iti illegal a droga gapu ta kadakkel ti demand.
Segun ken ni de Guzman, dagiti suplay a shabu ditoy probinsya ket aggapo idiay Metro Manila idinto a dagiti marijuana ken aggapo idiay Kalinga, Apayao ken Baguio City.
Kabayatanna, immapela ni de Guzman kadagiti umili a no adda ti kameng ti pamilya nga adda ti pannakainaig na iti illegal a droga ket saan koma nga i-tolerate ti madi nga aramid da.
