LAOAG CITY – Inpasingked ni Mrs. Lanibel Ancheta, Provincial Officer iti PDEA nga awan ti sumsumrek a suplay a droga ditoy probinsya.
Inbatad na a ti pagibasbasaran da ket bassit laeng dagiti makumkumpiskar a droga kadagiti matiltiliw iti drug operations.
Kabayatanna, inpakaammo ni Ancheta a ngimmina ti presyo ti droga ditoy probinsya gapu ta bassiten ti magatang.
Inlawlawag na a segun ti monitoring da ket 8 agingga ti 10 a ribo a pisos ti kada gramo ti presyo iti agdama no ikompara ti 4 agingga ti 5 a ribo a pisos ti kada gramo itay napan a tawen.
Innayon na a sipud idi nagtugaw ni Presidente Rodrigo Duterte ket dakkel ti ngimminaan ti illegal a droga.
