LAOAG CITY – Inrekomendar ti Sanggunian Panlalawigan iti opisina ni Governor Matthew Marcos Manotoc ti pananakaipadalan iti preventive suspension dagiti dua a kaso adminsitratibo kontra kadagiti dua nga opisyal ditoy probisnya.
Nairekomendar ti 60 nga aldaw iti agsina a kaso da San Nicolas Mayor Alfredo Valdez Jr. Ken Dumalneg Bise Mayor Francis Espiritu.
Segun ken ni Sangguniang Panlalawigan Member Atty. Da Vinci Crisostomo, ti chairman iti committee on laws kangrunaan kadagiti botos ket pabor iti pannakaipataw ti preventive suspension kadagiti nadakamat nga opisyal.
Daytoy ket para iti naan-anay a pannakaimbestigar ti kaso da.
Kuna ni Crisostomo a naipaiman kenni Governor Manotoc ti desisyon nu mapatgan wenno saan ti nailungalong a preventive suspension ken manamnama a maiparukat kalpasan ti 30 nga aldaw wenno iti kabiitan a panawen.
Kabayatanna, maiyuswat ti hearing wenno pannakipresentar dagiti testigo da Espirutu ken Suniga intuno Setiembre 28.
Maipalagip a namungnay ti pannakaipila ti kaso admnistratibo kadagiti dua nga ospisyal gapu iti agsobsobra nga operasyon ti galyera iti ili ti San Nicolas kenni Mayor Valdez ken ti maipagrup a panangdangran ni Bise Mayor Espiritu kenni Frolian Suniga.
