LAOAG CITY – Naiserbin ti 60 nga aldaw a preventive suspension kenni Dumalneg Vice Mayor Francis Espiritu.
Daytoy ti kinumpirmaran ni Provincial Administrator Atty. Yvette-Leynes.
Segun kenni Atty. Leynes, ti SB Secretary ti Dumalneg iti nangawat ti surat mainaig iti pannakaidalan ti preventive suspension ni Espiritu.
Maipalagip a namunganay ti agsansangoen a kaso administratibo ni Espiritu gapu ti maipagarup a panangdangran na ti maysa a residente iti ili ti Dumalneg.
Ti pannakaiserbi ti preventive suspension iti maysa nga elected official ket tapno saan a maimpluwensyaan dagiti testigo.
Manamnama a matuloy ti hearing intono Nobyembre 9 ita a tawen.
Iti mainaig a damag, inpetteng ni Vice Mayor Francis Espiritu iti ili ti Dumalneg a maibilang a maymaysa a poder laeng ti nagibasaran ti pannakaipataw iti preventive suspension kontra kenkuana.
Daytoy ket kalpasan a naipatulod ken naawat ti secretary na ti preventive suspension order.
Kuna na a maipagarup a saan a kinita dagiti agpanppanday linteg dagiti depensa na mainaig ti alegasyon kontra kenkuana.
Segun kenni Espirutu, arig a panagibales ti napasamak rason a rimwar ti preventive suspension order na.
Inpetteng na nga uray saan a naikkan ti preventive suspension ket awan met ti aramiden na a panagbutbuteng kadagiti agserbi a testigo.
