LAOAG CITY – Naiget ti pammalagip ti Department of Trade and Industry (DTI) a maipatpatungpal ti price freeze kadagiti kangrunaan a magatgatang kadagiti lugar nga adda iti babaen ti state of calamity gapu iti bagyo Egay.
Inbatad ni Trade Secretary Alfredo Pascual a masapol a sumurot dagiti negosyante gapu ta adda ti maipataw a pannusa kadagiti aglabsing.
Nakailanad iti Republic Act 7581 o Price nga inamendaran ti Republic Act 10623 a dagiti presyo dagiti basic necessities ket otomatiko a naka-freeze iti uneg ti 60 nga aldaw kadagiti lugar a naideklarar nga state of calamity.
Adda dagiti nakabantay a kameng ti DTI kadagiti pagtagilakoan tapno maipasigurado a maipatungpal ti price freeze.
