LAOAG CITY – Inbatad ni Barangay Chairman Ruben Ancheta iti Barangay Barit ditoy ciudad ti Laoag a ti kabarangayan na a positibo iti delta variant ket agdidialysis iti mamitlo iti maysa nga aldaw.
Segun kenni Ancheta, idi Hulyo 8 ket napan iti ospital ti pasyente ken nagawid met laeng kalpasan ti agarop tallo nga aldaw.
Inlawlawag na a gapo ta awan met kadua ti pasyente iti pagtaengan da ket nag-home quarantine ket ita laeng a lawas a rimuar ti resulta a positibo daytoy iti delta variant.
Kunana nga adda ti panagamak na ken nakigtot kalpasan ti pannakaamo na iti daytoy.
Nupay kasta, nalag-anan ti rikna ti kapitan gapo ta dagiti primary contact ti pasyente ket negatibo da iti virus.
