LAOAG CITY – Inrakurak ni Prime Minister Ariel Henry iti Haiti ti panagbaba nan iti pwesto.
Iti resignation letter na, nailanad a daytoy ti kasayaatan nga aramiden na gapu kadagiti mapaspasamak a riribok iti nadakamat a pagilian.
Mamati daytoy nga umdasen ti panagserbi na kangrunaan na idi sumangsango iti karit ti pagilian da.
Kuna na nga ipaima na laengen ti pannakaiwanwan ti pagilian da iti nabukel a transitional council no sadinno a temporaryo a nadutukan ni finance minister Michael Patrick Bolsvert kas interim prime minister agingga a maaddaan ti baro a gobierno.
Ti transitional council ket bukbuklen ti pito a voting members ken dua a non-voting observers a ti trabaho ket mangdutuk ti baro a prime minister ken gabinete.
Maipalagip nga idi Pebrero ket rimsua ti riribok manipod kadagiti gang no sadinno nga inatake da dagiti erupuerto ken pantalan iti Port-au-Prince.
