LAOAG CITY – Inatake ti maysa a lalaki ni Prime Minister Mette Frederiksen iti Denmark bayat ti kaaddana iti ciudad ti Copenhagen ngem saanen a naidetalye pay no ania ti pinasar ti nasao nga ooisyal.
Napasamak daytoy,sumagmamano laengen nga aldaw sakbay nga iyuswat ti Denmark ti European Union elections intono domingo ita a tawen.
Natiliw metlaeng a dagus dagiti otoridad ti suspek ngem saan pay a masinunuo no ania ti motibo na iti panangatake na a prime minister.
Gapu iti napasamak ket nagpanawagan ni Danish Minister of Environment Magnus Heunicke para iti national unity, kagiddan ti panangibaga na a responsibilidad iti tunggal maysa kitaen ti pagsayaatan ti amin uray adda ti saan a pagkakasurutan kangrunaan na iti pulitika.
Mainaig iti daytoy, kinondenar ni European Commission President Ursula von der Leyen ti napasamak ken ni Prime Minister Fredericksen ken inawagan na ti inaramid ti suspek kas “despicable act”.
Ni Frederiksen a leader ti Denmark center-left Socialist Democratic party ket agserserbi kas prime ministeriti pagilian sipud pay idi 2019.
