LAOAG CITY – Nakigtot ni Denmark Prime Minister Mette Frederiksen kalpasan a dinarup daytoy kabayatan a magmagna iti Copenhagen.
Napasamak ti insidente iti square iti sentro ti siudad no sadino kabayatan a magmagna ket dinarup isuna ti maysa a lalaki.
Gapu iti daytoy, natulid ti Prime Minister ngem tinulungan isuna dagiti tattao nga adda iti lugar.
Dagus met a naarestar dagiti otoridad ti nasao a suspek.
Kabayatanna, am-ammoen pay laeng dagiti otoridad no ania ti panggep ti nasao a suspek iti insidente.