LAOAG CITY – Agsubli ni Prince Harry idiay United Kingdom tapno atendaran na ti charity award ceremony intono Setyembre 8 ita a tawen, nga isumet ti maikatlo a death anniversary ti lola na a ni Queen Elizabeth II.
Ti charity award ceremony ket ditoy a maselebraran dagiti nagapwanan dagiti ubbing nga agpaspasar ti nakaro a sakit.
Inbatad ni Prince Harry a dakkel a pakaidayawan na ti agatendar iti WellChild Awards ken maam-ammo na dagiti mapagbilbiliban nga ubbing, karaman dagiti nagannak da ken dagiti professionals a mangipapaay ti inspirasyon para iti amin babaen ti kinatibker da.
Ni Prince Harry a patron iti charity sipud idi 2007 ket agdama nga agnanaed idiay California kadwana ti asawa na a ni Meagan ken ti dua nga annak da kalpasan a nagikkat manipod iti royal duties na idi 2020.
