LAOAG CITY – Umakar manen ni Prince Harry idiay Britania a kaduana ti pamiliana kalpasan ti sumagmamano a tawen a saanda a panagsasayaat iti naarian a pamilia ti Britania.
Pimmanaw da Prince Harry ken baketna a Meghan Markle idiay Britania idi 2020 ket nagnaedda idiay California.
Iti panagsublida, agtalinaed a nalamiis ti relasionda kada Prinsipe William ken Prinsesa Catherine, nupay nasaysayaat kano ti relasion ni Harry ken ni amana a ni Ari Charles III.
Sigun iti royal historian a ni Ed Owens, maysa kadagiti makagapu iti panagsubli ni Harry ket mabalin a makikappia ken ni amana ken dadduma pay a kameng ti pamiliana.
Nagbalin a kontrobersial ti innem a tawen a panagyan ti agassawa idiay Estdos Unidos kalpasan a naibutaktak dagiti interbiu, dokumentario ken memoir ni Harry ti saanda a panagsasayaat ti pamiliada.
Ni Harry ket dati a soldado ken nangipasdek iti Invictus Games. Dua ti annakda, da Archie ken Lilibet, ken ni Markle.
