LAOAG CITY – Nagkiddaw ti tulong ti principal ti AP Santos Elementary School a ni George Alonzo seknan ti pannakabaln iti pagadalan kas inclusive learning resource center para iti pagadalanda.
Daytoy ti indasar ni Sangguniang Panlungsod Member Bryan Alcid ken insigida nga inyendorsar iti Committee on Education
Kinuna ni Vice Mayor Rey Carlos Fariñas a kinasaritana ti chairman ti Committee on Education a ni Sangguniang Panlungsod Member John Micheal Fariñas tapno maammuanna dagiti kasapulan ti nasao a pagadalan.
Mainaig iti daytoy, ti inclusive learning resource center ket pisikal man wenno virtual center a nakasentro a mangipaay ti suporta para iti panagisuro babaen kadagiti maitutup ken gender sensitive materials
Kabayatanna, maiyaplikar daytoy kadagiti amin nga estudiante, adda man baldado wenno awan.
