LAOAG CITY – Ibilang ti news team ti Bombo Radyo Laoag nga unprofessional ti addang ni Principal Teresita Malana iti San Marcelino National High School iti ili ti Dingras.
Daytoy ket gapu iti saan pay a nangiwayat ti imbestigasyon iti maipagarup a panamagsasao ni
Luvenia Arcangel, Grade 8 adviser, iti adalan na itay kallabes.
Gapu iti saan a napintas a trato ti principal iti grupo ti Bombo Radyo ket nagturong da kenni Mrs. Edwarda Anciatico.
Kuna na nga awan pay ti dimmanun kenkuana nga impormasyon ngem inpasingked na a mangiwayat ti imbestigasyon mainaig ti reklamo kontra kenni Arcangel.
Saan met a nagsarita ni Mrs. Lolita Balagat ina ti ubing a napagsasaoan.
Inkarigatan ti Bombo Radyo nga alaen ti palawag ti mangisursuro ken ti principal ngem pinagur-uray da ti team ti Bombo Radyo.
Naamuan a nagreport ni Mrs. Balagat iti Philippine National Police seknan ti insidente idinto nga agtultuloy a napan nagadal ti anak na.
Iti biang ti Department of Education ti probinsya ket nasken nga agreport ni Malana seknan ti nasao nga insidente.
Maipalagip a maipagarup a apinagsasaoan ni Arcangel ti adalan na gapu ti panangdillaw na nga agus-usar ti cellphone kabayatan ti kabayatan ti break time.
Gapu iti daytoy ket nagawid ti ubing nga agsangsangit ken agtigtigerger.
Inbatad ni Balagat a nagtumar ti 20 a klase ti tableta a naipagarup a gandaten na a kettelen ti biag na.
