Temporaryo a nawaya-wayaan ti principal iti Sta. Rosa National High School iti ili ti Sarrat kalpasan a nakapagpiyansa ti P336K kalpasan a naarestar ditoy ciudad ti Laoag gapu iti kaso na a sexual assault ken 2 counts ti acts of lasciviousness.
Maipalagip nga immunan a naglikudan ti Principal ti Sta. Rosa National High School dagiti alegasion a maipagarup nga inpublikar na ti sensitibo a ladawan ti maysa nga estudiante iti online.
Iti panagturong idi a mismo ti Principal ditoy Bombo Radyo Laoag, inbatad na a na-hack ti online account-na idi laeng Hulio 25 ngem idi laeng Hulio 27 nga iseserrek nan iti pagadalan a naipakaammo kenkuana nga adda ti naikabil iti story-na a sensitibo a ladawan.
Inpakaammona a ti madakdakamat a ladawan ti estudiante ket dati daytoyen nga agkamkamang kenkuana tapno agpabalakad pakaseknan kadagiti nagduduma a personal a problema na.
Kunana nga iti aldaw a maipagarop a pannaka-hack to account na ket nairana a ditoy a nag-chat ti ubbing gapu ta adda dagiti maipagarup a mangak-akusar kenkuana nga addaan ti scandal.
Rumrumuar nga iti panag-chat ti estudiante iti Facebook account iti nasao a Principal ket ditoy a maipagarup a ti hacker ti mangkonkontrolen iti account-na no sadinno a possible a ditoy a maipagarup nga inpasend ti hacker ti madakdakamat a maipabpabasol nga scandal na, banag a tinungpal met daytoy ti estudiante.Laoag City Guide
Gapu iti daytoy, nakisarita ti Principal iti estudynte ken dagiti nagannak na, ken inlawlawagna a saan nga isuna ti akin-aramid iti daytoy.
Nupay kasta, naamoan nga intuloy latta dagiti nagannak ti estudyante ti nagpila ti reklamo kontra iti nasao a prinsipal.
Naamoan a sipud nag-leave ti prinsipal kabayatan ti pannakaimbestigar ti kaso ket saan pay a nagsubli iti Rosa National High School iti ili ti Sarrat.
