LAOAG CITY – Inlawlawag ni Atty. Kidd Castro, maysa a Private Lawyer ti stock manipulation ket stock market nga imonmonitor ti Securities and Exchange Commission.
Daytoy ket kagiddan ti panangirakurak ti Forbes a ni Manny Villar ti kabaknangan a Pilipino ditoy Pilipinas iti agdama.
Segun kenkuana, adu dagiti investors ti agbirbiruk kadagiti negosio a mabalin dagitoy nga ag-invest.
Inbatadna a ti kangrunaan a kitaen dagiti investors ket no kasano a mapadakkel ti mapaspastrekan iti shares of stock.
Kunana a ti shares of stock ket pananggutigot kadagiti investors no kasano a dimmakkel ti birukda iti napalabas a tawen.
Mainaig iti daytoy, inpakaammo ni Atty. Castro a gagem ti Securities and Exchange Commission ti mangiwayat ti imbestigasion maipanggep iti reporting kadagiti mapaspastrekan kadagiti amin a negosio nga imanmanihir ti pamilia Villar.
Innayonna a kaaduan kadagiti tattao ket ad-adda a maallukoy kadagiti negosio a dakkel ti mapaspastrekanna rason nga adu ti agin-invest kadakuada.
