LAOAG CITY – Nagpalagip ti Department of Labor and Employment iti pribado a sektor a mabalin da nga ikonsiderar ti flexible work arrangements kas ti four-day workweek wenno work-from-home schemes tapno maalay-ayan ti epekto ti ngumatngato a presyo ti langis ken maprotehiran ti pagsayaatan dagiti empleado.
Segun ken ni Alvin Curada, Director ti Bureau of Working Conditions, boluntaryo ti pannakaipatungpal ti kastoy a setup ken nakadepende iti katulagan ti employer ken empleyado.
Dinakamat na pay nga adda ti sumagmamano a sector a saanna a kabaelan nga ipatungpal daytoy a nalawa gapu iti epekto iti operasyon ken ekonomiya.
Iti four-day workweek, mabalin nga ibunong ti naipagagangay nga 40 nga oras a linawas a panagtrabaho iti uneg ti uppat nga aldaw manipod lunes agingga iti huwebes, idinto a ti work from home ket mabalin nga agtrabaho iti balay tunggal biernes depende met iti klase ti trabaho.
