LAOAG CITY – Nangrugin ti pannakdengngeg dagiti kaso ti pro-democracy ken newspaper founder a ni Jimmy Lai idiay Hongkong.
Sumangsango iti tallo a kaso ni Lai kangrunaan na ti maipagarop a pannakitinnulong ti peryodista iti foreign forces, pananglabsing iti National Security Law ti pagilyan da ken sedition charges.
Tawen 2020 ket nabaluden ni Lai gapu iti pannakikoordinar na kadagiti napasamak a protesta idiay Hongkong no sadinno nga iti simmaruno a tawen ket napaserraan ti diyaryo a kukua na nga Apple Daily.
Nangrugi met idi 2019 ti dadakkel a protesta idiay Hongkong ken sipud idi ket adon ti democracy activists ti nabalud ken pimmanaw iti nasao a pagilyan.
Ni Lai ket British citizen isut gpauna a nagkiddaw ti tulong ti anak na a ni Sebastian Lai ken ni Britain’s Foreign Minister David Cameron.
Para ken ni Cameroon, ti ar-aramiden ti gobyerno ti Hongkong ket maysa a nalawag a pananggandat a lapdan ni Lai nga irupir ti karbengan na iti freedom of expression and association.
Inrakurak met ti US State Department ti suporta na ken ni Lai ken nagpanawagan iti Hongkong iti pannakawaya-waya dagiti tattao a nabalud gapu iti panangprotehir da laeng iti karbengan da.
Nupay kasta, kinondenar daytoy ti China gapu ta nalawad nga anti-China ni Lai ken mangidadaulo kadagiti protesta iti Hongkong.
Inpaganetget ni Chinese foreign ministry spokesperson Mao Ning, nakalawlawag ti pannakitinnulong ni Lai iti external forces ken balewala kenkuana ti national security law.
Naamoan a no bilang masentensyaan a guilty ti agtawen ti 76 a ni Lai ket mabalud daytoy iti tungpal biag.
