Nakairekord ti lima a baro a kaso ti covid-19 ditoy probinsya.
Daytoy ti kinumpirmaran ni Governor Matthew Marcos Manotoc iti facebook page na.
Basar iti nailanad a covid-19 update, ti maika-62 a kaso wenno ni IN-C62 ket agtawen ti 73 a lakay, awan ti travel history na ken asymptomatic idinto a ni IN-C63 ket lalaki nga agtawen ti 37, awanan ti travel history, asymptomatic ken agpada dagitoy a residente iti Brgy. 8 iti ili ti Sarrat.
Kabayatanna, ni IN-C64 ket agtawen ti 29 a lalaki, asymptomatic wenno awan ti sintomas na iti covid-19 kenni IN-C65 ket babai nga agtawen ti 32, asymptomatic, nakapulapol na ni IN-C4, agpada dagitoy a residente iti Brgy. Daquioag iti ili ti Marcos ken agpada a Locally Stranded Individual manipod iti Taguig, Metro Manila.
Ni met IN-C66 ket agtawen ti 54 a babai, asymptomatic, residente iti Brgy. 8 iti ili Sarrat, awan ti travel history na ngem nakapulapol na ni IN-C56.
Iti agdama ket naka-isolate da IN-C62, IN-C63 kenni IN-C66 idinto a da IN-C64 kenni In-C65 ket agpada nga adda iti ospital.
