LAOAG CITY – Adda ti 87 kaso ti covid-19 ken 12 a death case ti nairekord ditoy probinsya idi kalman, Setiembre 23.
Basar iti gobierno probinsyal, dagiti baro a kaso ket 42 ti taga siudad iti Batac, 14 iti ili ti Vintar, pito iti Banna, lima iti Bacarra, agpada nga uppat iti Pinili ken Marcos, tallo iti Nueva ken Paoay ken saggaysa iti ili ti Bangui, Burgos, Piddig, Sarrat ken Badoc.
Kabayatanna, manipod iti 12 a pimmusay, lima ti nairekord iti siudad ti Batac, dua ditoy siudad ti Laoag ken saggaya iti Badoc, Dingras, Nueva Era, Vintar ken Paoay.
Adda met ti 128 a nainayun iti bilang dagiti nalaingan manipod iti virus rason nga addan 15,992 ti recoveries.
Mainaig iti daytoy, 1,347 ti nagtalinaed nga aktibo a kaso idinto nga addan 367 ti pakabuklan a bilang ti natay gapu iti virus.
Naamoan a ti bilang ti pimmusay idi kalman ket naukkon manipod Hulyo agingga idi Agosto ita a tawen.
