LAOAG CITY – Nakairekord ti probinsya nga Ilocos Norte ti walo a baro a kaso ti covid-19 idi kalman, Enero 28.
Kaaduan kadagiti nagpositibo ket dagiti karaman iti naiyuswat nga expanded-targeted swab testing iti Brgy. 23 – St.a Cecilia iti ili ti San Nicolas idinto a maysa ti APOR.
Basar iti gobierno probinsyal, dagiti residente iti Brgy. 23 iti ili ti San Nicolas ket isuda IN-C698, agtawen ti 48 a babai; IN-C699, agtawen ti 57 a babai, APOR a Brgy. Official ken agpada dagitoy a nakapulapol ni IN-C688, maysa a pastor.
Mainaig iti daytoy, ni IN-C700 ket agtawen ti 18 a lalaki, ken nakapulapol ni IN-C687, maysa a cargo helper idinto a da IN-C701 agtawen ti 49 a babai, nakapulapol ni IN-C688; IN-C702, agtawen ti uppat nga ubing a babai ken nakapulapol ni IN-C655 kenni IN-C693; IN-C703, agtawen ti 58 a babai, APOR a Brgy. Official ken nakapulapol ni IN-C688 kenni IN-C704, agtawen ti 59 a lalaki ken nakapulapol ni IN-C687.
Kabayatanna, inpakaamo ni Brgy. SK Chairman Janssen Badua iti Brgy. 23 iti ili ti San Nicolas a maysa laeng ti nagpositibo a Brgy. Official iti barangayda.
Kuna na a daytoy ket ni IN-C699, agtawen ti 57 a babai.
Amin a baro a kaso ket agpapada nga asymtomatic wenno awanan ti sagsagbaen a sintomas ti virus ken nakaisolate dagitoy.
Kabayatanna, malaksid kadagiti baro a kaso ket dua dagiti nakarekobre rason nga addan ti 640 a pakabuklan ti nalaingan manipod iti virus ditoy probinsya idinto a nagtalinaed a tallo dagiti pimmusay ken adda metten 62 ti total active cases.
