LAOAG CITY – Naragsak ni Gov. Imee Marcos gapu ta naikkan ti kangatuan a 2016 ISO certificate ti Ilocos Norte iti intero a pagilian
Kuna na a daytoy ti kangatuan a sertipikasyon nga inpaay ti International Organization for Standardization ti probinsya.
Inadmitir ni Marcos nga adu ti rigat ti pinasar da sakbay a nagun-od ti probinsya ti nasao a sertipikasyon.
Immuna iti daytoy, namitlo a nagsubli-subli dagiti eksperto manipud iti ISO iti benneg ti produkto, serbisyo, ken ti sistema a panangiwanwan gapu ta narigat nga annungen dagiti kasapulan ti ISO.
Inpannakkel ni Marcos ti Ilocos Norte nga isu ti umuna a nakagun-od ti kangatuan nga ISO Certificate iti intero a pagilian.
