LAOAG CITY – Naaksiyunanen ti problema a timmaod iti Bgy. Bacsil South ti ciudad ti laoag a naminpinsan a binakbak ti contraktor ti matarimaan a paset ti kalsada ti nasao a Barangay imbes a gudua na koma pay laeng.
Segun ken ni City Engr. Roy Tomas,nagturong da iti nasao a barangay kalpasan nga adda ti dimmanon a problema ken ni Mayor Chevyll Fariñas mainaig iti nasao a proyekto ket naduktalan nga agpayso ti nasao a problema.
Gapu iti daytoy, inawagan da ti imatang ti kontraktor a ti Vikings tapno mangaramid da ti detour.
Inbaga ni Tomas nga iti inaramid ti nasao a contractor a naminpinsan a binakbak na ti kalsada ket adda ti sinalungasingnan gapu ta ti masya koma pay laeng ti kinuti da kalapsan na ket maisaruno ti kaguadua apaman a mabalin a pagnaan ti natarimaan.
