LAOAG CITY – Maitudtudo a rason ti panag-drop out wenno panagsardeng ti panagadal dagiti estudiante ket ti problema iti pinansial.
Rumrummuar a dumanon iti 39 nga agad-adal iti sekondaria ken 11 nga estudiante iti elementaria ditoy siudad ti Laoag ti mabalin a saanen a makabasa pay.
Gapu iti daytoy, maladingitan ti lokal a gobierno gapu ta maipaidam kadagiti ubbing ti edukasion a kangrunaan a karbengan ti tunggal maysa nangruna para kadagiti ubbing wenno estudiante.
Mainaig iti daytoy, nangaramid ti City Social Welfare and Development Office ti programa iti pannakibinnuligda iti Department of Education – Schools Division Office ditoy siudad ti Laoag a mabalin a makatulong dagitoy babaen ti Student Assistance for Education Resilience for Learners At-Risk of dropping out wenno SAFER LARDOS.
Babaen iti daytoy, maipaayan dagiti agad-adal kadagiti masapolda iti panagbasa kas kadagiti schools supplies ken financial assistance.
Kabayatanna, mamati ti lokal a gobierno nga agballigi daytoy a programa babaen ti panagkikinnammayet ti tunggal maysa para iti masakbayan dagiti agad-adal.
