LAOAG CITY – Inbatad ni Dr. Annie Barez, Regional Executive Director iti Department of Agriculture – Region 1 nga adda ti apagapaman a nagbabaan ti produksyon ti baboy iti intero a pagilyan.
Kuna na a bimmaba ti agarop 10 a tonelada ti produksyon ti baboy ita a tawen no ikompara kadagiti naglabas a tawen.
Inlawlawag na a dagiti rason no apay a bimmaba ti produksyon ti baboy ita a tawen ket gapu iti presensya ti African Swine Fever (ASF) ken ti panagbaliw ti paniempo ditoy pagilian.
Gapu iti daytoy ket nagsardeng paylaeng dagiti dadduma a nagtaraken ti baboy gapu iti kinangato ti temperatura a possible a pakaalaan ti sakit dagitoy.
Innayon na a ti pay maysa a rason no apay nga adda dagiti nagsardeng nga agtaraken ti baboy ket gapu iti kinangina dagiti kasapulan iti panagtaraken kas iti ipakan a feeds.
