LAOAG CITY – Ngimmato iti tallo a porsiento ti produksyon ti bawang ditoy probinsia ita a 2025.
Segun kenni Mr. Chonito Baldovi, High Value crop head iti Provincial Agriculture Office, dagitoy ket dagiti naimula ti 2024 ken na apit ti 2024.
Kunana a dakdakkel nga amang ita a tawen ngem iti naglabas iti laksid dagiti didigra a napasaran nga isu ti maysa kadagiti mangap-apektar ti nasao a mula.
Mainaig iti daytoy, inbatad na a naiget ti ipapaay da a tulong kadagiti mannalon gapu ta iti napalabas a tawtawen ket bumabbaba ti produksyon.
Gapu iti daytoy, ado dagiti saanen a mangayat nga agmula ken maysa pay a makaapektar ket ti presyo.
Kabayatanna, inpakaammona nga adda ti Taiwanees a nangi pakita ti sabali a variety ti bawang nga isu ita ti mannarimaan nga adadalenda.
