LAOAG CITY – Addan ti 20 a porsiento ti nagngatoan ti produksyon ti dragon fruit ditoy probinsya.
Daytoy ti inbatad ni Mr. Chonito Baldovi iti Provincial Agriculture Office.
Kuna na a no ikompara iti napalabas a tawen ket dakkel ti nagbaliwan ti produksyon ti dragon fruit ditoy probinsya iti baet nga adda dagiti naapektar a sakit ngem in-inot a nakarekobre ken natulungan dagiti mannalon babaen ti gobierno probinsyal.
Innayon na nga umad-ado dagiti lugar a pagmulmulaan ti dragon fruit ditoy probinsya ken napintas ti demand ti nasao a produkto.
Inlawlawag ni Baldovi a saan laeng a dagiti presko a dragon fruit ti gatgatangen dagiti tattao no di ket dagiti nagduduma a produkto a naaramid babaen iti nasao a prutas.
