LAOAG CITY – Suportaran ti City Tourism Office ditoy siudad ti Laoag dagiti nagduduma a produkto a naaramid babaen ti water lily.
Kuna ni Mrs. Ana Carmela Remigio, mangidadaulo iti nasao nga opisina, planoen da nu ania a wagas ti panangtulong da iti nadakamat nga industriya.
Patyenda a napintas daytoy a pamastrekan dagiti umili iti baet ti COVID-19 pandemic.
Naragsakan ni Remigio ti nagbalin a resulta ti napalabas a training dagiti sumagmamano nga indibidwal a nakipagpaset gapu ta napipintas dagiti naaramid a produkto manipud iti water lily, kas iti bag, callugong, basket ken dadduma pay
